ᓂᒌ ᒋᔅᒋᓄᐎᔨᑯᓈᓐ ᐲᓯᒽ, ᐊᒐᐦᑯᔕᒡ ᒫᒃ, ᒣᒀᒡ ᐁ ᒌ ᑯᔅᐸᐦᐊᒫᐦᒡ ᐐᓂᐯᑯᐦᒡ ᐅᐦᒋ᙮
ᓂ ᒌᒫᓂᓈᓐᐦ ᒌ ᐱᒫᔥᑕᓐᐦ ᐅᔅᒋᒋᐯᒡ᙮
ᓂᒌ ᐐᒋᐦᐃᑐᓈᓐ ᐁ ᐱᒥᔥᑳᔮᐦᒡ, ᒥᓯᐌ ᑕᐦᑐ ᐊᐌᓐ ᐁ ᑎᐯᔨᒥᑎᓱᑦ᙮
ᓂᒌ ᓇᒣᐦᑖᓈᓐ ᒥᓯᐌ ᔮᔦᐤ ᐁ ᐃᔅᑯᔥᑎᑴᔮᒡ ᓈᑐᐌᐎ ᓰᐱᔾ᙮
ᒥᓯᐌ ᐁ ᑕᐦᑐᑌᐎᓯᔮᐦᒡ ᓂᒌ ᒫᑎᓇᒫᑐᓈᓐ ᑳ ᐌᔫᑕᐦᒡ ᒦᒋᒻ ᑳᒌ ᒥᔅᑲᒫᐦᒡ ᐊᓐᑌ ᓅᐦᒋᒦᐦᒡ᙮
ᐁ ᐅᑖᑯᔑᒡ ᒌ ᒋᔨᑲᐎᐦᑖᑾᓐᐦ ᓂ ᓂᑲᒧᐎᓂᓈᓐᐦ ᐁ ᒪᑗᔭᐌᒡ ᑲᔭᐹ, ᓂᒌ ᑑᑖᑯᓈᓐ ᒫᒃ ᒉᒌ ᒥᔪ ᐸᐙᒧᔮᐦᒡ ᐁ ᑎᐱᔅᑳᒡ᙮
ᒦᓐ ᐁ ᒉᒋᔐᐹᔮᒡ, ᓂᒌ ᒥᔯᔨᐦᑌᓈᓐ ᐁ ᐊᑎ ᐃᔑᒋᒣᔮᐦᒡ ᐊᓐᑌ ᐁ ᒦᒋᒥᔅᑳᒡ ᓂᑦ ᐊᔅᒌᓈᓂᐦᒡ᙮
ᐁ ᐃᔥᒀ ᓃᐱᐦᒡ ᒫᒃ, ᓂᒌ ᐋᐦᑐᒉᓈᓐ ᐲᑐᔥ ᐗᔦᔥ ᒉᒌ ᐊᔦᔅᑲᐐᔥᑕᒫᐦᒡ ᒉ ᐱᐳᐦᒡ᙮
ᓂᒌ ᒥᔪ ᑲᓇᐌᔨᒥᑯᐙᓈᓐ ᐅᑲᒉᐦᑖᐌᔨᐦᑕᒧᐎᓂᐙᐤ ᓂ ᒋᔐᔨᓃᒥᓈᓇᒡ᙮
ᓇᒪᐐᔾ ᐐᔅᑳᑦ ᓅᐦᒋ ᒋᐱᐦᑐᐦᑌᓈᓐ ᒣᒀᒡ ᐁ ᑑᑕᒫᐦᒡ ᐊᓂᐦᐁ ᒫᐗᒡ ᐁ ᐃᔅᐱᐦᑌᔨᐦᑖᑾᐦᒡ, ᒨᔥ ᐊᐗᔥᑌ ᐙᐦᔭᐤ ᐁ ᐐ ᐃᑐᐦᑌᔮᐦᒡ ᒣᒀᒡ ᐁ ᔖᐳᔥᑲᒫᐦᒡ ᐆᐦᐁ ᐊᔅᒋᔾ ᑳ ᒫᒪᔅᑳᑌᔨᐦᑖᑾᐦᒡ᙮
The above is a poem by Louis Bordeleau titled Voyage dans le temps. It was translated at his request into Cree by the author of this blog, Kevin Brousseau.
Kepin's Cree Language Blog 